Deera Chat

التامينات الاجتماعية احسن مكان ريوق بالكويت

Posted on 19. May, 2010 by Ali in random

صار لي جم يوم اراجع التامينات الاجتماعية الصبح و حدي مستانس… شكلي بروح باجر مع العلم ان خلصت معاملتي … ارووح اقعد و يبونلي هذي القهوة العربية و بسكووت كتكو و كل الجرايد موجودة …. المكان هادي و حلو و مرتب فالواحد يمخمخ عدل هناك و بعدين يروح الدوام اكثر من جذي شنو نبي ….. صج انه ياخذون فلوسنا كل شهر بس زين اني اطلع قهوة و بسكوت ببلاش اخر اليوم.

عندي اقتراح انه التأمينات الإجتماعية توفر ريوق بوفيه للمراجعين يوميا في النفق الواقع بين المواقف و المبنى الرئيسي على أن يشمل البوفيه 10 أصناف رئيسية و 5 ثانوية و ذلك من ريع الـ17% اللي قاعدين ياخذونه من راتب كل كويتي شهريا و اتصور هذا احسن من ان يضيعون فلوس العالم بالبورصة

Tags: التامينات الاجتماعية, ريوق